Tuesday 27 November 2012

தலைவரின் 'சில்லறைத்தனமான' முடிவு..தடுமாற்றத்தில் உடன்பிறப்புகள்.

சில்லறை வர்த்தகத்தில் அந்நிய முதலீட்டுக்கு ஆரம்பத்திலிருந்து எதிர்ப்பைக் காட்டிய தலைவர்,தற்போது திடீரென்று  தன் முடிவை மாற்றியிருக்கிறார்.தலைவர் அவ்வப்போது எடுக்கும் தடாலடி முடிவுக்கு இணையதள உடன்பிறப்புகள் விளக்கம் கொடுத்தே சோர்ந்து போகிறார்கள்.நேற்றுவரை FDI-க்கு எதிர்ப்பு தெரிவித்து வந்த உடன்பிறப்புகள், தலைவரின் இந்த முடிவை எதிர்பார்க்காததால் தற்போது FDI -க்கு ஆதரவாக என்ன எழுதலாம் எனத் தேடிக்கொண்டிருக்கிறார்கள்..

திமுகவின் அரசியல் ரீதியான நிலைப்பாடுகள்,டெல்லியிலிருந்து வரும் காங்கிரஸ்காரர்களால் மாற்றிவிட முடியும் என்றால், கட்சியின் அடிப்படை அரசியல் கொள்கையையே கேள்விக்குறியாக்குகிறதல்லவா ..?

வெளிப்படையாகவே அரசியல்பேரம் நடந்ததுபோல் ஒரு பிம்பம் உருவாகிவிட்டதே...! இனி ஒவ்வொரு முறையும் டெல்லியிலிருந்து 'சிறப்பு பிரதிநிதிகள்' உங்களை சந்திக்க வந்தால் உங்களிடமிருந்து மாறுபட்ட அரசியல் நிலைப்பாடு வெளிப்படுமென்பது திமுகவின் எழுதப்படாத கொள்கையாகவே மாறிவிட்டதே...!  ஒரு முறையாவது பிரச்சினையின் தன்மை சார்ந்து முடிவு எடுக்காதவரை திமுகவின் அரசியல் எதிர்காலமே கேள்விக்குறியாகிவிடுமோ என்கிற அச்சம் ஒவ்வொரு உடன்பிறப்புகளின் அடி மனதில் தோன்றியிருப்பது நிதர்சன உண்மை.!


&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

என் வீடு..என் உரிமை...!!

இரண்டு படங்களுக்கும் அடிப்படையில் பெரிய வித்தியாசம் ஏதுமில்லை.முதல்படம் மனிதாபிமானத்தின் உச்சம்.முல்லைக்குத் தேர்கொடுத்த பாரி ஒரு வள்ளல் என்றால் இந்தச் சாலையை வடிவமைத்தவரும் ஒரு வள்ளலே..! இரண்டாவது படம் மனித உரிமையின் ஆகப்பெரிய வெற்றி.இது இரண்டுமே உலகின் ஆகப்பெரிய ஜனநாயக நாடான இந்தியாவில் சாத்தியமில்லை என்பது கூட யதார்த்த உண்மைதானே?.

1.தன் ஆடம்பர வாழ்க்கைக்காகவும்,அளவிட முடியாத பேராசைக்கும் இயற்கை வளங்களை அழிக்கத் தயங்காத மனிதர்களின் சுயநல சிந்தனைக்கு சம்மட்டி அடி கொடுத்திருக்கிறது முதல்படம்.சாலையோரம் வளர்ந்த பாவத்திற்காகவே வேரடி மண்ணோடு வெட்டி வீழ்த்தப்படும் நம்மூர் புளியமரங்களுக்கு இது சமர்ப்பணம்...


2.மனித உரிமைகள் மறுக்கப்படுவதுடன்,ஜனநாயக ஆட்சிமுறைக்கு சங்கு ஊதும் உலகின் மிகப்பெரிய நாடு என வளர்ந்த நாடுகளின் வசைமொழிக்கு ஆளாகிய கம்யூனிசிய நாடான சீனாவில் தான் இப்படியொரு அதிசய நிகழ்வு.சாலைகள் போடும்போது நிலத்திற்கு சொந்தக்காரர்களின் சம்மதம் இல்லாமல் நிலத்தை கையகப்படுத்தக் கூடாது என சீனாவில் சட்டமே இருக்கிறது.என்னதான் இழப்பீட்டுத்தொகை கொடுத்தாலும் நிலத்திற்குச் சொந்தக்காரர் எடுக்கும் முடிவே அங்கு இறுதியானது.

அரசாங்கம் கொடுக்கும் இழப்பீட்டுத்தொகை தனக்கு போதுமானதாக இல்லையென்று தன் வீட்டை இடிக்க மறுத்துவிட்டார் அதன் "ஹவுஸ் ஓனர்".வேறு வழியில்லாமல் அவர் வீட்டைமட்டும் விட்டுவிட்டு அதைச் சுற்றியுள்ள இடங்களில் சாலையைப் போட்டிருக்கிறது சீன அரசு.

பெய்ஜிங்கில் ஒலிம்பிக் போட்டிகள் நடந்தபோது அங்கு வசித்து வந்த பழங்குடி மக்களைத் துரத்தியடித்தக் குற்றச்சாட்டு ஏற்கனவே இருக்கையில் இப்படியொரு படத்தைப் பார்க்கும் போது ஆச்சர்யம் வருவது இயல்புதானே...! (மேலே, என் வீடு.. என் உரிமை..! என வீட்டுப் பட்டாவை உயர்த்திக் காண்பிப்பவர் அந்த வீட்டு "ஹவுஸ் ஓனர்"..!!)



&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

விடாமுயற்சி..விஸ்வரூப வெற்றி...

வாழ்க்கையில...(இப்படித்தான் ஆரம்பிப்பாங்க...) ஆயிரம் தடைக் கற்கள் வரலாம்...!
அதிஷ்டம் உன்னை எட்டி உதைக்கும்..!
சந்தர்ப்பங்கள் உன்னை சம்மட்டியால் அடிக்கும்...!
வாய்ப்புகள் வாய்க்கு வந்தவாரு திட்டும்..!
சில்லி மேட்டருக்கெல்லாம் உலகம் உன்னை எள்ளி நகையாடும்..!
காணுமிடத்தில் கையை நீட்டினால் உலகம் உன்னை நையப் புடைக்கும்...!
தன்னம்பிக்கைத் தளரவிடாதே மானிடா...!!
விடாமுயற்சி..விஸ்வரூப வெற்றி...!!!

எனக்கெல்லாம் மூணு வயசு இருக்கும்போதே...

தன்னம்பிக்கை என்பது தண்ணி சாப்டற மாதிரி....! 
விடாமுயற்சி என்பது விரல் சூப்ற மாதிரி...!

நம்பிக்கை இல்லைன்னா வீடியோவைப் பாருங்க...நான் ஒன்னு முடிவு பண்ணிட்டேனா.. என் பேச்சை நானே கேட்க மாட்டேன்.. :-))))))


 &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

சும்மா..ரிலாக்ஸ்...

 ச்சே...பத்திரிக்கையாளர் சந்திப்பில தலைவரு மானத்தை வாங்கிட்டாரு...

என்ன செஞ்சாரு..?

உங்களுக்கு 'இன்பீரியாரிட்டி காம்ளக்ஸ்' இருக்கிறதா பேசிகிறாங்களே உண்மையானு கேட்டதுக்கு...'இது எதிர் கட்சிகளின் திட்டமிட்ட சதி..எங்கே, எந்த இடத்தில் அந்த காம்ப்ளெக்ஸ் இருக்கிறது என்பதை சொல்ல சொல்லுங்கள் பார்க்கலாம்'-னு சொல்லியிருக்காரு..


                                        ---------------X-------------

கேப்டன்..நீங்க சர்வதேச நீரோட்டத்தில கலந்துட்டதா அறிக்கை விட்டத பேஸ்புக் -ல வேற மாதிரியா கமென்ட் போட்டு கேவலப்படுத்திட்டாங்க..

என்ன எழுதினாங்க...?

இதுவரை லோக்கல் சரக்கு அடிச்சிட்டு இருந்தவரு..இப்போ பாரின் சரக்கு அடிக்க ஆரம்பிச்சுட்டாரு போல..அதைத்தான் இப்படி நாசுக்கா சொல்றாருன்னு சொல்றாங்க...




வணக்கங்களுடன்..
மணிமாறன். 
---------------------------------------------((((((((((((((((((((())))))))))))))))))))))))))---------------------------------------------






14 comments:

  1. விஸ்வரூப வெற்றி செம... (அந்த வீடும்)

    நன்றி...
    tm2

    ReplyDelete
    Replies
    1. நன்றி திண்டுக்கல் தனபாலன் சார்...

      Delete
  2. ஏதோ சீனாவில் எல்லாம் சட்டத்துக்கு உட்பட்டு நடப்பது போலவும், சாமானிய மக்களின் உரிமைகளுக்கு பாதுகாப்பு இருப்பதுபோலவும் எழுதியிருக்கிறீர்கள். அங்கே ரியல் எஸ்டேட்காரர்கள் தனியார் நிலத்தை கையகப்படுத்த பயன்படுத்தும் மிரட்டலும் உருட்டலும் நம் ஊரில் இருப்பதைவிட பலமடங்கு. கொஞ்சம் கூகுளில் தேடிவிட்டு எழுதியிருக்கலாம்.

    ReplyDelete
    Replies
    1. அதனாலதான் சார் இதை எழுதினேன்.கிட்டத்தட்ட ராணுவ ஆட்சிபோல நடக்கும் சீனாவில் இது அதிசயம்தானே...கூகுளில் தேடவேண்டியதில்லை.என் சீன நண்பர்களிடமிருந்து நிறைய கேள்விப்பட்டிருக்கிறேன்.ஒரு தம்பதியினருக்கு ஒரு குழந்தைதான் அனுமதிக்கப் படுகிறதாம்.மீண்டும் கர்ப்பமானால் கட்டாய கருக் கலைப்பு செய்யபடுகிறதாம்.இப்படியொரு ஜனநாயக விரோத ஆட்சிநடக்கும் சீனாவில் ஒருவர் சட்டப்படி வெற்றியடைந்திருக்கிறார் என்பது ஆச்சர்யம்தானே..

      நம் நாட்டில் பொறம்போக்கு இடத்தை வளைத்துப் போடும் அரசியல்வாதிகளை விட்டுவிடுவார்கள்.அன்றாடம் செலவுக்கு அல்லல்படும் ஏழைகள் வாழும் குடிசைகளை 'ஆக்கிரப்பு' என்று சொல்லி அப்புறப்படுத்தும் நம்மூர் கார்பரேசன் அதிகாரிகளுக்கு இந்தப் படம் ஒரு பாடமாக இருக்கவேண்டும்.

      Delete
  3. ஆனால் உடன்பிறப்புகள் இதற்கும் ஏதாவது காரணத்தை கண்டு பிடித்திருப்பார்கள். பொறுத்திருந்து பாருங்கள். அந்த சாலையின் நடுவே வீடு படத்தை பேப்பரில் பார்த்தேன், அது ஆச்சர்யம் என்றால், மரத்துக்காக வளைந்து செல்லும் சாலை பேராச்சர்யம்.

    ReplyDelete
    Replies
    1. நன்றி பாலா சார்..

      Delete
  4. காட்டூன் அருமை நண்பா...
    மதவாத சகத்தில் தலை தூக்கக் கூடாது என்று தலைவர் FDI யை ஆதரிக்கிறார் ... கஷ்ட காலம்

    ReplyDelete
  5. //எனக்கெல்லாம் மூணு வயசு இருக்கும்போதே...
    தன்னம்பிக்கை என்பது தண்ணி சாப்டற மாதிரி....!
    விடாமுயற்சி என்பது விரல் சூப்ற மாதிரி...!//

    நல்ல முயற்சி - அவனவன் பிரச்னை அவனவனுக்கு

    ReplyDelete
  6. நட்ட நடு ரோடுல படம் பிரமிப்பு

    ReplyDelete
  7. தலைப்பே படிச்சதும் தள்ளாடிட்டேன் ச்சே தடுமாறிட்டேன் பாஸ்

    ReplyDelete
    Replies
    1. ஹா.ஹா.. தலைவர் அப்படி தள்ளாட வச்சிட்டாரு பாஸ்..நன்றி..

      Delete